სავალუტო ბაზარზე პანიკა დაიწყო. ქვეყანაში მორიგი ისტორიული ანტირეკორდი დაფიქსირდა. "ბლუმბერგზე" კურსმა 2.91-ს გადააჭარბა, ხოლო სავალუტო ჯიხურები 1 დოლარს 2.93 ლარად ყიდიან. გაცილებით მაღალია კურსი კომერციულ ბანკებში, სადაც 1 აშშ დოლარის ღირებულება 2.96-2.97-ს მიაღწია. ზოგიერთი სავალუტო ჯიხური საერთოდ თავს იკავებს გაცვლითი ოპერაციებისგან, რადგან ბაზარზე სრულიად არაპროგნოზირებადი ვითარებაა. სავალუტო ბაზარზე ქაოსის ნიშნებია.