პარლამენტის წინ „თბილისი პრაიდის“ მოწინააღმდეგეების აქცია დასრულდა. აქციის ორგანიზატორების თქმით, მათ მეუფისგან მიიღეს კურთხევა, რომ ამ ეტაპზე აქცია პარლამენტის წინ აღარ უნდა გაგრძელდეს.

ადგილიდან ეტაპობრივად გავიდნენ აქციის მონაწილეები, მათ გასვლაში პოლიცია დაეხმარა.

პარალელურად დასრულდა ანტისაოკუპაციო აქციაც. ერთ-ერთი ორგანიზატორის შოთა დიღმელაშვილის თქმით, პოლიციამ მათ მისცა უფლება იმ ტერიტორიაზე შესულიყვნენ, სადაც სცენა არის დამონტაჟებული და მათი მომხრეები იმყოფებოდნენ.

დიღმელაშვილი განცხადებით, ისინი დაათვალიერებენ ტერიტორიას და აქციის მონაწილეებს მოუწოდებენ დღეს, 7 საათზე შეიკრიბონ პარლამენტის წინ.