ამ წუთებში მიშა მშვილდაძის ორგანიზატორობით შეკრებილი მომიტინგეები პუშკინის სკვერიდან დაიძრნენ და პარლამენტის წინ შეკრებილ ვასაძის მომხრეებს მიუხლოვდებიან. "რეზონანსის" კორესპონდენტის ცნობით, ვითარება რუსთაველზე მეტად დაძაბულია. ორი აქციის უსაფრთხოებას რუსთაველის გამზირზე, მოსწავლე-ახალგაზრდობის სასახლის მიმდებარე ტერიტორიაზე დიდი ოდენობით მობილიზებული სამართალდამცავები იცავენ. მათ რამდენიმე წყება კორდონი აქვთ გაკეთებული. ასევე გამზირზე განლაგებულია ყვითელი ავტობუსები.