(რეზონანსი) რუსეთის დუმაში საქართველოდან მინერალური წყლებისა და ღვინის ექსპორტის აკრძალვაზე იმსჯელებენ. ამის შესახებ რუსულ მედიას მმართველი პარტიის, „ედინაია რასიას" ფრაქციის თავმჯდომარემ სერგეი ნევეროვმა განუცხადა.

„საქართველოში რუსოფობიის ნიშნებია, რაც საფრთხეს უქმნის რუსეთის მოქალაქეებს. დღეს დუმის საბჭოს სხდომაზე საქართველოდან მინერალური წყლებისა და ღვინის ექსპორტის და საქართველოში ფულადი გზავნილების აკრძალვის საკითხს დავსვამთ", - თქვა ნევეროვმა.

დაკავშირებულია თუ არა ეს ქართველი ტელეწამყვანის გიორგი გაბუნიას სკანდალურ ეთერს, ამასთან დაკავშირებით დუმაში კომენტარი არ გაუკეთებიათ.