(რეზონანსი) შეკვეთილში, ბიძინა ივანიშვილის სახლის მიმდებარე ტერიტორიაზე, შიმშილობის აქციის ერთ-ერთი მონაწილე შეუძლოდ გახდა.

მარად შავაძე სასწრაფო სამედიცინო დახმარების ჯგუფმა ფოთის ჰოსპიტალში გადაიყვანა. ექიმების ინფორმაციით, მისი მდგომარეობა სტაბილურია.

„112 -ის ბრიგადამ შემოიყვანა მამაკაცი. მას უტარდება სათანადო გამოკვლევები. მისი მდგომარეობა სტაბილურია", - განაცხადა ფოთის ჰოსპიტალის დირექტორმა თეა მიგინეიშვილმა.

ბიძინა ივანიშვილის სახლის მიმდებარედ შიმშილობის აქცია მე-12 დღეა მიმდინარეობს. ისინი შინაგან საქმეთა მინისტრის გიორგი გახარიას გადადგომას ითხოვენ.