საქართველოს საკონსტიტუციო სასამართლომ „112"-ის მომსახურების საფასურის გადახდა არაკონსტიტუციურად ცნო.

სასამართლომ დააკმაყოფილა ლევან ალაფიშვილის და „კს ალაფიშვილი და ყავლაშვილი - საქართველოს ადვოკატთა ჯგუფის" კონსტიტუციური სარჩელი საქართველოს მთავრობის წინააღმდეგ.

კონსტიტუციური სარჩელში საუბარი იყო, რომ ფიზიკურ და იურიდიულ პირთა მიმართ „112"-ის საფასურის განსხვავებული ტარიფი დისკრიმინაციული იყო.

სადავო ნორმების თანახმად, სატელეფონო აბონენტები იხდიდნენ „112"-ის მომსახურების საფასურს, რომელიც ყოველთვიურად ფიზიკური პირისთვის შეადგენდა 0.20 ლარს, ხოლო იურიდიული პირისთვის, ორგანიზაციისთვის და დაწესებულებისთვის - 0.50 ლარს.

ნორმების არაკონსტიტუციურად ცნობის მიუხედავად, სასამართლომ იმ მოტივით, რომ „112" დაკარგავდა დაფინანსების ძირითად წყაროს, სადავო ნორმების ძალადაკარგულად გამოცხადება 2019 წლის 31 დეკემბრამდე გადაავადა.