(რეზონანსი) თვითმხილველები დოლიძის ქუჩაზე მამაკაცის დაჭრის დეტალებზე საუბრობენ.

როგორც ერთ-ერთმა თვითმხილველმა „ინტერპრესნიუსს" განუცხადა, საზამთროს გამყიდველს მამაკაცმა ფიზიკური შეურაცხყოფა მიაყენა, საზამთროს გამყიდველმა თავდაცვის მიზნით დანა მოიქნია და მამაკაცი დაჭრა.

ადგილზე მობილიზებული არიან სამართალდამცველები, მათ შორის ექსპერტ -კრიმინალისტები.

აღნიშნულ ფაქტზე ერთი პირი ცხელ კვალზეა დაკავებული, გამოძიება კი საქართველოს სისხლის სამართლის კოდექსის 19-108 მუხლით დაიწყო, რაც განზრახ მკვლელობის მცდელობას გულისხმობს.

დაჭრილი მამაკაცი გადაყვანილია საავადმყოფოში.