(რეზონანსი) ავტოსაგზაო შემთხვევა მოხდა ქუთაისში, აკაკი წერეთლის გამზირზე. ტაქსის მძღოლი გაჩერებაზე მყოფ მიკროავტობუსს შეეჯახა, მიზეზი კი, ტაქსის მძღოლის ჯანმრთელობის მდგომარეობა გახდა.

თვითმხილველების თქმით, ტაქსის მძღოლი ცუდად გახდა და საჭეზე კონტროლი დაკარგა. ტაქსში მსხდომი მგზავრები არ დაშავებულან. ადგილზე მობილიზებული იყო საპატრულო და სასწრაფო სამედიცინო დახმარების ბრიგადები. მძღოლი საავადმყოფოში გადაიყვანეს.