(რეზონანსი) ცნობილმა რუსმა კომიკოსმა ივან აბრამოვმა, კრემლის მოწოდების მიუხედავად, საქართველოში გასტროლების გაუქმებაზე უარი თქვა. ამის შესახებ მან რადიო Говорит Москва-ს განუცხადა.

„კონცერტს არც გადავდებთ და არც გავაუქმებთ. საქართველოში ჩავფრინდებით მინსკის ან ბაქოს გავლით. ჩემი მხიდან ყველაფერს გავაკეთებ იმისათვის, რომ კონცერტი შედგეს", - აღნიშნა აბრამოვმა რადიო Говорит Москва-სთან..

აბრამოვს კონცერტი ბათუმის მუსიკალურ ცენტრში 23 აგვისტოს არის დაგეგმილი.

მანამდე კრემლის პრესმდივანმა დიმიტრი პესკოვმა რუს არტისტებს უსაფრთხოების მიზნით საქართველოში გასტროლებისგან თავის შეკავებისკენ მოუწოდა.