(რეზონანსი) ხვალიდან საქართველოში ტემპერატურა მოიმატებს. როგორც გარემოს ეროვნული სააგენტოში ამბობენ, 2 ივლისს საქართველოს მთელ ტერიტორიაზე უმეტესად უნალექო ამინდი იქნება.

დასავლეთ და აღმოსავლეთ საქართველოში ტემპერატურა +27+32 გრადუსი, თბილისში კი +30 გრადუსია მოსალოდნელი.

სინოპტიკოსების ინფორმაციით, აღმოსავლეთ საქართველოში, ღამით, ქარის სიჩქარე დროგამოშვებით 17-22 მ/წმ იქნება, ხვალიდან კი 10-15 მ/წმ-ს არ გადააჭარბებს.

3 ივლისს, საქართველოში +27+32 გრადუსი ტემპერატურაა მოსალოდნელი, ხოლო 4 ივლისს შესაძლოა, დღისით დასავლეთ საქართველოში ზოგან ხანმოკლე წვიმა და ელჭექი დაფიქსირდეს, აღმოსავლეთში კი უნალექო ამინდია მოსალოდნელი.