ქმრისასა და შვილის მკვლელობაში ბრალდებული მაგდა პაპიძე "იმედის კვირასთან" ჰყვება თუ როგორ ცხოვრობს და რას აკეთებს საპატიმროში. მისი თქმით, ციხემ საკუთარი თავის სიყვარული ასწავლა.

"ციხეში რა გამოვიარე საკუთარი თავის მოფერება და სიყვარული ვისწავლე. დავდექი სარკესთან და ჩემს თავს ვაკოცე", - ამბობს ის.

პაპიძე ციხეში ხატავს, მუშაობს თიხაზე და მისი თქმით, ეს საქმიანობა სიამოვნებას ანიჭებს.

"ძნელია ნამუშევრებით მოჰყვე, რაც შიგნით იგრძნობა, მაგრამ მაინც საშველია. ვკითხულობ. მიყვარს ლიტერატურა. გადავწყვიტე წერილებზე მემუშავა. შეიძლება ერთი ფარატინა ფურცლით ისეთი სიტყვა მოგივიდეს, რომ ციხეში იფრინო", - ამბობს პაპიძე.