რუსული ესტრადის ქართველმა მომღერალმა, ვალერი მელაძემ საქართველოში მიმდინარე მოვლენების გათვალისწინებით დაბადების დღის აღნიშვნაზე უარი თქვა. ამის შესახებ ის სოციალურ ქსელში წერს. თეთრ ჩოხაში გადაღებულ ფოტოსაც მელაძე სოციალურ ქსელში აქვეყნებს. 

"ჩემს დაბადების დღეზე ყველას გისურვებთ სიყვარულს, მშვიდობასა და კეთილდღეობას. მე არ ვაპირებ მოვაწყო დღესასწაული ამ დღეს, მით უმეტეს საქართველოში განვითარებული მოვლენების ფონზე. დაშავდნენ უდანაშაულო ადამიანები. ერთ დღეში შეწყდა ავიამიმოსვლა რუსეთსა და საქართველოს შორის. მეგობრულ ურთიერთობას, რომელიც საუკუნეების განმავლობაში ყალიბდებოდა, ერთ დღეში ვერ დაანგრევ. პოლიტიკურ ამბიციებს საღ აზრზე, სიყვარულსა და პატივისცემაზე მაღლა აყენებენ. ყველაფერი გაივლის, ესეც გაივლის… მაგრამ ცხოვრებაც მიდის" - წერს მომღერალი.