2011 წლის 26 მაისის აქციის დარბევის დროს დაზარალებული ბესიკ ტაბატაძე სააკაშვილის რეჟიმის მიერ სასტიკად დარბეული აქციის შესახებ სოციალურ ქსელში წერს:

"მემორიალის სიახლოვეს ვიდექით. სპეცრაზმელები წინ მიიწევდნენ. წასასვლელი აღარსად იყო. სწორედ ამ დროს გავიგონე - "ნახე, არ გარბის ეს ნაბიჭვარიო" და ცეცხლი გამიხსნეს! ვიგრძენი როგორ გასკდა თვალი. ტყვიის წუილი გავიგონე. იმ წამშივე დავკარგე მხედველობა. ხელი მოვისვი - თვალი ხომ არ გადმომივარდა-მეთქი და სისხლით დავისვარე. ფეხებთან გაზის კაფსულა დავარდა. ჩავისუნთქე თუ არა, მეორე თვალითაც დავრბმავდი. სრულიად უცხო ადამიანებმა გამომიყვანეს...

პოლიციის სამმართველოში გადაგვიყვანეს, სადაც მთელი ღამე გავატარე. დილის 7 საათამდე ასეთ მდგომარეობაში დამტოვეს, საავადმყოფოში არ გადამიყვანეს.

2011 წელი, 26 მაისი“, - წერს ბესიკ ტაბატაძე.