(რეზონანსი) ნიკა მელიას ადვოკატი გიორგი კონდახაშვილი ფიქრობს, რომ სადეპუტატო მანდატის შეჩერების შემთხვევაში ნიკა მელიას აღკვეთის ღნისძიება დღეს არ მოესწრება.

“მე ეჭვი მეპარება, რომ მოესწროს აღკვეთის ღონისძიება დღეს. მას შემდეგ რაც პარლამენტში პროცედურა დამთავრდება და დიდი ალბათობით იმუნიტეტს მოუხსნიან. ამის შემდეგ პროკურატურამ სასამართლოს დაპატიმრების მოთხოვნით უნდა მიმართოს. სასამართლოს 24 საათიანი ვადა აქვს, რომ მასალები მიიღოს, პროცესი ჩანიშნოს და ეს საქმე განიხილოს. დიდი ალბათობით დღეს ვერ მოესწრება. ალბათ, უნდა ველოდოთ, რომ სასამართლო პროცესი ხვალ დღის მეორე ნახევარში გაიმართება“, – განაცხადა გიორგი კონდახაშვილმა