(რეზონანსი) სალომე სამადაშვილმა დეპუტატებს მიმართა ნიკა მელიას შემდეგ აპირებენ თუ არა იმუნიტეტი მოუხსნან იმ დეპუტატებსაც, რომლებიც მელიას მსგავსად გავრილოვის საქართველოში ყოფნას აპროტესტებდნენ:

„მინდა ჩემს კოლეგებს ვკითხო, რომ ამბობენ თითქოს დეპუტატები რომლებიც პარლამენტის დარბაზს ვიცავდით გავრილოვისგან, გაღიმებული სახით ველოდებოდით გადატრიალებას, არ გრცხვენიათ ამას რომ ამბობთ? წარმოგიდგენიათ რა დაიწერება რუსულ პრესაში და რა განცხადებას გააკეთებენ რუსი პოლიტიკოსები? როდესაც თქვენ ქართველი პოლიტიკოსები მოუხსნით იმუნიტეტს დეპუტატს, რომელიც გავრილოვს დაუპირისპირდა? თუ მელია დამნაშავეა, მარტო იყო მელია თუ თანამოაზრეები ჰყავდა, დაკავებებს კიდევ აპირებთ?“-განაცხადა სალომე სამადაშვილმა.