რუსული გამოცემა „კომერსანტის“ ინფორმაციით, საქართველოდან რუსეთში ღვინის იმპორტი, სავარაუდოდ, შეიზღუდება.

გამოცემის ცნობით, რუსმა მაღალჩინოსნებმა სავაჭრო ქსელებიდან რუსულ ბაზარზე ქართული ღვინის წილის შესახებ ინფორმაციის შეგროვება დაიწყეს. მსხვილი კომპანიის მენეჯერები ამბობენ, რომ ამ მონაცემებს „მინსელხოზი“ ითხოვს. 

რუსული მედიის ინფორმაციით, სავარაუდოდ ეს ნიშნავს, რომ ქართული ღვინის იმპორტი აიკრძალება.

ამჟამად, ქართული ღვინო რუსეთის ბაზრის 17 პროცენტს იკავებს.