ხულოს მუნიციპალიტეტში ახალგაზრდა კაცი მოკლეს. მკვლელობა მუნიციპალიტეტის სოფელ ხიხაძირში მოხდა. შინაგან საქმეთა სამინისტროს ინფორმაციით მკვლელობაში სავარაუდო ბრალდებული იდენტიფიცირებულია და მიმდინარეობს გამოძიება.

ფაქტის შესახებ თავის ფეისბუქ გვერდზე ნაციონალური მოძრაობის წევრი ირაკლი ჯორბენაძეც წერს.

„მკვლელობა ჩადენილია წარსულში არაერთგზის ნასამართლევი რეციდივისტის მიერ, რომელმაც ხიხაძირის ცენტრში, საზკვების ობიექტში, ათეულობით თვითმხილველის თანდასწრებით, ცეცხლსასროლი იარაღიდან ორი გასროლით 42 წლის მამაკაცის სიცოცხლე შეიწირა!“ - აღნიშულია ირაკლი ჯორბენაძის სტატუსში.

(პრაიმტაიმი)