"ტაბულას" რედაქტორი თამარ ჩერგოლეიშვილი შემდეგი სახის აღიარებით მიმართვას ავრცელებს:

,,ნაცები ჩემს სქრინებს დაათრევენ (თავისუფლების გამავრცელებელი საზოგადოებიდან წაუღიათ) და ცდილობენ იმაში მამხილონ, რასაც წლებია ვღაღადებ.

კი მეგობრებო – დესტრუქციულ და უპასუხისმგებლო ძალად მიმაჩნია ნაცმოძრაობა (20 ივნისი ამის კიდევ ერთი დასტურია).

კი მეგობრებო – მაწუხებს, რომ ის პარტია, რომელსაც ხმას ვაძლევ საკმარისად არაა გამიჯნული ნაცებისგან (არა წარსულისგან, არამედ აწმყოსგან).

კი მეგობრებო – მიმაჩნია, რომ ევროპულმა საქართველომ დრო დაკარგა საკუთარი, ნაცებისგან დამოუკიდებელი იდენტობის გამოსაკვეთად და ამით, დიდი შეცდომა დაუშვა (ბევრი ვიბრძოლე, რომ ასე არ ყოფილიყო, მაგრამ ჩამიფლავდა ძალისხმევა).

კი მეგობრებო – მიმაჩნია, რომ დღეს ევროპული საქართველო და ნაციონალური მოძრაობა დიამეტრალურად განსხვავებული იდეოლოგიის, ქცევის და პასუხისმგებლობის ძალებია და ვწუხვარ, რომ ეს იმაზე ნათელი არაა, ვიდრე არის.

და კი მეგობრებო – მიმაჩნია, რომ ახლა დრო აღარ უნდა დაკარგონ, შეცდომა გაიაზრონ (ყველას ეშლება) და საკუთარი, ნაცებისგან დიამეტრალურად განსხვავებული იდენტობის გამოსაკვეთად ბევრი ენერგია დახარჯონ.

რატომ გიკვირთ, ვერ ვხვდები – დიდი ხანია ასე ვთვლი და არ ვმალავ.

P.S. მოვა ახლა ნაცტროლთა ბუზანკალი და პარლამენტის შენობის ნაცვლად, ჩემს კედელს აიღებენ. “ – წერს თამარ ჩერგოლეიშვილი.