(რეზონანსი) ახალი სამოქალაქო მოძრაობა "20 ივნისი" დაფუძნდა. როგორც მოძრაობის დამფუძნებელმა ოთო ხარჩილავამ "2020NEWS"-ს განუცხადა, ამ დროისთვის ორგანიზაციაში 500 ადამიანია გაწევრიანებული და მათი რიცხვი ყოველდღიურად იზრდება.

მისივე თქმით, აღნიშნული მოძრაობა ორიენტირებული იქნება ადამიანების უფლებების დაცვაზე და სამოქალაქო აქტივობაზე.

"20 ივნისის მოძრაობის" მთავარი მოთხოვნა დამნაშავე პოლიციელების დასჯა და საპროტესტო აქციაზე უკანონოდ დაპატიმრებული ადამიანების დაუყოვნებლივ გათავისუფლებაა.