(რეზონანსი) პარლამენტთან მიმდინარე აქციაზე ჩოჩქოლი და დაპირისპირება გრძელდება. როგორც "რეზონანსის" კორესპონდენტი ადგილიდან იუწყება, მომიტინგეთა ერთი ჯგუფის მიერ უკმაყოფილებას იწვევს ის, რომ აქცია პოლიტიკოსების ტრიბუნად გადაიქცა და მათ შორის, ძირითადად, ნაცმოძრაობის წევრები აქტიურობენ.

"ეგრე არ გამოვა რა, ტრიბუნიდან ყველა ნაციონალები ლაპარაკობენ", - განუხადა ახალგაზრდების ერთმა ნაწილმა ორგანიზატორებს. 

ეს ყველაფერი მას შემდეგ უფრო მეტად გახდა განხილვის საგანი, რაც პარლამენტის შენობის წინ აქციაზე სანდრა რულოვსი მივიდა, რასაც შეკრებილების ნაწილის უკმაყოფილება მოჰყვა.