(რეზონანსი) რუსეთის დუმის დეპუტატი იგორ ლებედევი Twitter-ზე ქართველი ფეხბურთელების მიერ საქართველოს ჩემპიონატზე ანტისაოკუპაციო მაისურებით გამოჩენას ეხმიანება.

რუსი პოლიტიკოსი ფეხბურთის საერთაშორისო ფედერაციისგან ქართველ ფეხბურთელებთან მიმართებით ნაბიჯების გადადგმას მოითხოვს.

ქუთაისის "ტორპედოს" ფეხბურთელები ეროვნული ლიგის მე-19 ტურში "ბოლნისის სიონთან" გამართულ მატჩზე სპეციალური მაისურებით გამოვიდნენ. მაისურებზე საქართველოს დროშა და ინგლისურად გაკეთებული წარწერა იყო: "We are from Georgia and our country is occupied by Russia!" ("ჩვენ საქართველოდან ვართ და ჩვენი ქვეყნის 20%-ზე მეტი რუსეთს აქვს ოკუპირებული!).

ამ ფორმით საფეხბურთო კლუბი საქართველოში ბოლო დღეების განმავლობაში განვითარებულ მოვლენებს გამოეხმაურა.

ასეთივე ფორმით გააპროტესტეს ოკუპაცია და ბოლო პერიოდის მოვლენები "თბილისის ლოკომოტივმა".