ისანში მომხდარი მკვლელობის ფაქტზე, გურჯაანში მცხოვრები მამაკაცი დააკავეს. მეზობლების ინფორმაციით, დაკავებულს ფსიქიური პრობლემები ჰქონდა. ის გარდაცვლილს ედავებოდა, თითქოს საკუთარი საცხოვრებელი სახლი მისი მითითებით გაყიდა.
დაკავებულიც და გარდაცვლილიც, გურჯაანში 9 აპრილის ქუჩაზე ცხოვრობდნენ.
შეგახსენებთ, თბილისში, ისანში, ურთიერთშელაპარაკების ნიადაგზე, სამარშრუტო ტაქსის მძღოლი, 62 წლის თემურ ომსარაშვილი დანით დაჭრეს.ის საავადმყოფოში მიყვანის შემდეგ გარდაიცვალა.
გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.