(რეზონანსი) ბერა ივანიშვილი 20 ივნისს განვითარებულ მოვლენებს სოციალურ ქსელში ეხმაურება. ბიძინა ივანიშვილის ვაჟი წერს, რომ ის თანატოლების გულწრფელ პროტესტს უერთდება და სერგეი გავრილოვის პარლამენტში მიყვანას გზააბნეული ქართველი პოლიტიკოსის შეცდომას უწოდებს.

„მინდა ჩემი ხმა შევუერთო ჩემი თავისუფლებისმოყვარე თანატოლების გულწრფელ და სამართლიან პროტესტს იმ სამარცხვინო პროცესების გამო, რაც ერთი გზააბნეული ქართველი პოლიტიკოსის შეცდომით დაიწყო და ჩასაფრებული რევანშისტების მიერ ორგანიზებული ძალადობით გაგრძელდა, რის შედეგადაც დაშავდნენ როგორც აქციის მონაწილეები, ასევე პოლიციელები. მე თქვენთან ერთად მთელი გულით განვიცდი ამ ტკივილს და მზად ვარ, მხარში დავუდგე თითეოულ მათგანს. ჩვენ, დამოუკიდებლობის ხანაში დაბადებულები, არავის დავუთმობთ ჩვენი სამშობლოს თავისუფლებას და არავის დავანებებთ ჯიჯგნოს მისი სხეული.

მუდამ თქვენი ბერა, - ვკითხულობთ ბერა ივანიშვილის მიერ გამოქვეყნებულ ტექსტში.