(რეზონანსი) ახალგაზრდა ბიჭის, დემეტრე ნაყოფიას ახლობელი, სოციალურ ქსელში მისი ჯანმრთელობის მდგომარეობის შესახებ ინფორმაციას ავრცელებს.

მისი თქმით, ექიმებს დიდი იმედი აქვთ, რომ ბიჭს მხედველობა დაუბრუნდება.

"მეგობრებო, გუშინ დაგპირდით, რომ ჩემს მეგობარზე, დემეტრე ნაყოფოაზე, დროდადრო მოგაწვდიდით ინფორმაციას. თვალი შეუნარჩუნეს, რაც დიდი მიღწევა იყო. დღეს მოუხსნეს სახვევი და სინათლეს ხედავს! ექიმები ამბობენ, რომ დიდი შანსია მხედველობა დაუბრუნდეს. კიდევ ერთი სასწაულის მოლოდინში ვართ, დიდი მადლობა ექიმებს" - წერს ნიკა ლაშხია.