ამის შესახებ სოციალურ ქსელში “რეგიონული ჰოსპიტალის” საზოგადოებასთან ურთიერთობის სამსახურის უფროსი გიორგი ნიორაძე წერს.

“რეგიონულ ჰოსპიტალს მთელი ღამის განმავლობაში ურთულეს რეჟიმში უწევდა მუშაობა და ეს ჩვენი პირდაპირი მოვალეობაა. ტყვიით დაშავებულ ორ პაციენტს თვალზე ურთულესი ოპერაცია ჩაუტარდა. საბედნიეროდ, ორივე შემთხვევაში თვალის შენარჩუნება მოხერხდა. ჰოსპიტლის ოფთალმოლოგიური დეპარტამენტის ექიმებმა თავდაუზოგავად იმუშავეს.

განხორციელდა ორი რთული ნეიროქირურგიული ოპერაცია ბატონი ლადო წიქარიშვილის ხელმძღვანელობით, და ზუსტად ვიცი, რომ ყველაფერი გააკეთეთ პაციენტების სიცოცხლის გადასარჩენად, მიიღეთ ჩემი დიდი პატივისცემა, მჯერა რომ ყველაფერი კარგად იქნება !!!

საქართველოს გაუმარჯოს!“, – წერს გიორგი ნიორაძე.