პარლამენტთან მიმდინარე აქციაზე მისულ გიგი უგულავას მონაწილეები დაუპირისპირდნენ და მოითხოვეს, რომ მას დემონსტრაცია დაეტოვებინა. ისინი უგულავას მისამართით გაიძახოდნენ - „წადი, წადი“.

აქციის რამდენიმე მონაწილემ უგულავას მისამართით ბოთლები ისროლა. აღნიშნული ინციდენტი მას შემდეგ მოხდა, როდესაც გიგი უგულავა სატელევიზიო ჩართვას აპირებდა. აქციის მონაწილეები პოლიტიკური პარტიის ლიდერებს მოუწოდებენ, თავი შეიკავონ პარტიული შინაარსის განცხადებებისგან.