საქართველოს საგარეო საქმეთა სამინისტროში თურქული მედიით გავრცელებულ ინფორმაციაზე, რომლის მიხედვით, სტამბოლში საქართველოსადა რუსეთის მოქალაქეებს შორის შეიარაღებული დაპირისპირება მსხვერპლით დასრულდა, აცხადებენ, რომ თურქეთში საქართველოს კონსული აქტიურ კომუნიკაციაშია თურქ სამართალდამცველებთან. როგორც „ინტერპრესნიუსს“ საგარეო უწყებაში განუცხადეს, მიმდინარეობს ინფორმაციის მოძიება და დაშავებულთა შესახებ ინფორმაციის დაზუსტება. სხვა დეტალებზე სამინისტროში არ საუბრობენ.

CNN TURK–ის ინფორმაციით, სტამბოლში საქართველოსა და რუსეთის მოქალაქეებს შორის შეიარაღებული დაპირისპირება მოხდა, არის მსხვერპლი. გარდაცვლილია საქართველოს მოქალაქე თ.პ. არიან დაჭრილებიც.