„პატრიოტთა ალიანსის“ ლიდერმა ირმა ინაშვილმა ლგბტ პრაიდის წინააღმდეგ ბიზნესმენ ლევან ვასაძის განცხადება შეაფასა. პოლიტიკოსი მიიჩნევს, რომ უმცირესობა, კონკრეტულად კი ლგბტ ჯგუფი ხშირად ჩაგრავს უმრავლესობას. 

„ვხედავთ, რომ დიდი აღშფოთებაა მართლმადიდებელ მრევლში იმის გამო, რომ ხშირია შემთხვევები, როდესაც ყველა ფრონტზე ლგბტ ჯგუფები ღიად ჩაგრავენ უმრავლესობას. მიდის შეტევა მართლმადიდებლობის და ეკლესიის წინააღმდეგ, პატრიარქთან მიმართებაში ღია შეტევების დონეზე სწორედ ამ ჯგუფების მხრიდან“, - თქვა ირმა ინაშვილმა "იმედის" ეთერით.

ლევან ვასაძე ლგბტ პრაიდის წინააღმდეგ ლეგიონის შექმნას გეგმავს.