(რეზონანსი) 2019 წლის მაისში საქართველოს სახელმწიფო ვალის მოცულობა 632 მლნ ლარით გაიზარდა და 19.1 მილიარდი ლარი შეადგინა.

დოლარში გამოსახული საგარეო სახელმწიფო ვალი 9 მლნ დოლარით შემცირდა, თუმცა ლარის გაცვლითი კურსის ზრდის გამო, ლარში გამოსახული საგარეო ვალი 522 მლნ ლარით გაიზარდა. რაც შეეხება საშინაო ვალს, ის მაისში 110 მლნ ლარით გაიზარდა. 

31 მაისის მდგომარეობით საგარეო სახელმწიფო ვალი 15 მილიარდი ლარი, ხოლო საშინაო სახელმწიფო ვალი 4.1 მილიარდი ლარია.