ბათუმში, ახალ ბულვარში მაშველებმა 18 წლის ბიჭი გადაარჩინეს.

შინაგან საქმეთა სამინისტროს საგანგებო სიტუაციების მართვის სამსახურის ცნობით, მაშველებმა ბათუმში, პლაჟზე ფეხით პატრულირებისას ზღვაში მოქალაქე შეამჩნიეს, რომელიც 150 მეტრის სიღრმეში იყო შესული და წყლიდან გამოსვლას ვეღარ ახერხებდა.

"მაშველმა დახმარება გამოიძახა, თავად კი დაუყოვნებლიც შეცურა მოქალაქის დასახმარებლად. დამხმარე ძალის ჩართვა საჭირო აღარ გახდა. მაშველმა ანრი ნემსაძემ თავად გამოიყვანა 18 წლის ბათუმელი, თემურ მიქელაძე წყლიდან. ის ახლა უსაფრთხოდ არის და თავს კარგად გრძნობს.", - ნათქვამია საგანგებო სიტუაციების მართვის სამსახურის განცხადებაში.