„ბილდინგ დეველოპერის" დირექტორს, ალექსი სიხუაშვილს, აღკვეთის ღონისძიების სახით, პატიმრობა შეეფარდა. სასამართლო აღკვეთის ღონისძიების შეფარდებაზე საავადმყოფოში მსჯელებდა. ალექსი სიხუაშვილის სამედიცინო დაწესებულებაში გადაყვანა ჯანმრთელობის მდგომარეობის გაუარესების გამო გახდა საჭირო. 

ამ დროისთვის არსებული ინფორმაციით, ბრალდებულს დაკავების შემდეგ, საკანში სტენოკარდიული შეტევა დაემართა. ბრალდება, ალექსი სიხუაშვილს ერთ-ერთი ტენდერის პირობების შეუსრულებლობას და ბიუჯეტის სახსრების მითვისებას ედავება, რასაც ბრალდებული არ აღიარებს.

საუბარია, სოფელ ბადიაურში წყალგაყვანილობის პროექტზე, რომელსაც „ბილდინგ დეველოპერი" ახორციელებდა და რომლის შედეგად კომპანიის მფლობელმა ბიუჯეტის ფული მიითვისა.