თბილისში 25 წლის ახალგაზრდა დაჭრეს. შემთხვევა დღეს ნინოშვილის ქუჩაზე მოხდა. მამაკაცს ჭრილობა ბასრი საგნით აქვს მიყენებული. ახალგაზრდა საავადმყოფოშია გადაყვანილი და მის სიცოცხლე სსაფრთხე არ ემუქრება.

შს სამინისტროს ინფორმაციით, მომხდართან დაკავშირებით დაკავებული 35 წლის მამაკაცი

„შინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოს თანამშრომლებმა, ჯანმრთელობის განზრახ ნაკლებად მძიმე დაზიანების ბრალდებით, 1984 წელს დაბადებული ი.ქ. დააკავეს.

გამოძიებით დადგინდა, რომ დაკავებულმა მიმდინარე წლის 8 ივნისს თბილისში, ნინოშვილის ქუჩაზე 1994 წელს დაბადებულ მ.ჩ.-ს ბასრი საგნით ჭრილობები მიაყენა. ძველი თბილისის სამმართველოს და საპატრულო პოლიციის თანამშრომლებმა ი.ქ. შემთხვევის ადგილზევე დააკავეს.

დაჭრილი საავადმყოფოშია გადაყვანილი. მის სიცოცხლეს საფრთხე არ ემუქრება.

გამოძიება ჯანმრთელობის განზრახ ნაკლებად მძიმე დაზიანების ფაქტზე, საქართველოს სსკ-ს 118-ე მუხლის 1-ლი ნაწილით მიმდინარეობს." - ნათქვამია უწყების ინფორმაციაში.