(რეზონანსი) ორი წლის ბავშვის ჯანმრთელობის მდგომარეობა, რომელიც ასპინძაში მეორე სართულიდან გადმოვარდა, დამაკმაყოფილებელია.

პატარა ამ დროისთვის ახალციხის რეფერალურ ჰოსპიტალში იმყოფება.

„მდგომარეობა სტაბილურია. ჩაუტარდა ყველა სახის - ინსტრუმენტული, ლაბორატორიული და კლინიკური გამოკვლევა. მოტეხილობა ან რაიმე სახის დაზიანება არ აქვს. ექიმების დაკვირვების ქვეშ არის, რომ რამე არ გაიპაროს. ცოტა ხანი დავტოვებთ და გავწერთ", - ამბობს კლინიკის მენეჯერი ხათუნა კეკელაშვილი.

შემთხვევა ასპინძის მუნიციპალიტეტის სოფელ ფიაში მოხდა. მომხდარზე გამოძიება დაიწყო. საქმე 124-ე მუხლით აღიძრა, რაც გაუფრთხილებლობით ჯანმრთელობის მძიმე ან ნაკლებად მძიმე დაზიანებას გულისხმობს.