(რეზონანსი) გარდაბანში 77 წლის ქალი და მისი 84 წლის მეუღლე ჯერჯერობით დაუდგენელმა პირებმა მოკლეს.
„პრაიმტაიმის" ცნობით, მოხუცი ცოლ-ქმარი მკვლელობამდე სასტიკად სცემეს. ცხედრებს იმდენად სერიოზული დაზიანებები აქვთ მიღებული, რომ მეზობლებს მათი ამოცნობაც კი გაუჭირდათ.
სავარაუდოდ, სიკვდილი სწორედ ცემის შედეგად მიყენებულმა მძიმე დაზიანებებმა გამოიწვია, ვინაიდან, როგორც შსს-ში ამბობენ, საქმეში ცეცხლსასროლი იარაღი არ ფიგურირებს.
თვითმხილველები ყვებიან, რომ მკვლელობის ადგილზე თავდამსხმელებმა ტალახით წარწერა დატოვეს - „მალე ჩამოდი, შენც გაგისწორდებით". სავარაუდოდ ეს შეტყობინება, გარდაცვლილი ცოლ-ქმარის ვაჟს ეკუთვნის, რომელიც მეზობლების გადმოცემით, რუსეთში იმყოფება.