(რეზონანსი) ასპინძაში, სარო-ხიზაბავარის დამაკავშირებელ გზაზე ავტოსაგზაო შემთხვევას ახალგაზრდა ემსხვერპლა.

"მეცხრე არხის" ინფორმაციით, ავარიისას დაიღუპა 20 წლამდე ასაკის ნიჯგორის მკვიდრი, შ.გ. ხოლო მძიმე მდგომარეობაში მყოფი მძღოლი რ.ბ. მრავლობითი დაზიანებით სასწრაფო დახმარების ბრიგადას ახალციხეში გადაიყვანეს.

მათივე ცნობით, ახალგაზრდებმა ამაღლების დღესასწაული ძველ ნაეკლესიარზე, ე.წ. ოდისების ტერიტორიაზე აღნიშნეს.

მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.