ზურაბ ჟვანიას მოედანთან მდებარე მგალობლიშვილის ქუჩაზე წყლის მილი ისევ დაზიანდა. რის გამოც ქუჩა და მიმდებარე მოედანი ისევ დაიტბორა. ამ დროისთვის მგალობლიშვილის ქუჩაზე საავტომობილო მოძრაობა გადაკეტილია. ადგილზე უკვე მობილიზებულია საპატრულო ეკიპაჟი. ადგილზე იმყოფებიან შესაბამისი სამსახურების წარმომადგენლები.

შეგახსენებთ, ორი დღის წინ ჟვანიას მოედანზე, მგალობლიშვილის ქუჩაზე წყლის გაჟონვის გამო, გზა ჩაინგრა. დაიტბორა საცხოვრებელი სახლის სარდაფებიც.