პრეზიდენტის პოზიციაა, რომ მთავარია, სამართლიანობა აღდგეს, - ამის შესახებ საქართველოს პრეზიდენტის პრესსპიკერმა, ხატია მოისწრაფიშვილმა ბრიფინგზე განაცხადა, როდესაც ხორავას ქუჩაზე მომხდარი მკვლელობის საქმეზე მიხეილ კალანდიას დაკავების შესახებ კითხვას უპასუხა.

„საქართველოს პრეზიდენტის აზრით, ყველაზე მთავარი და ერთადერთი არის ის, რომ აღდგეს სამართლიანობის განცდა, ჰქონდეთ ოჯახებს ყველა კითხვაზე პასუხი და მათ არ ჰქონდეთ არც ერთი შეკითხვა უსამართლობასთან დაკავშირებით. ეს არის მნიშვნელოვანი და ნუ გავასწრებთ მოვლენებს, დაველოდოთ პროცესებს. მთავარია, რომ სამართლიანობა აღდგეს - ეს საქართველოს პრეზიდენტის პოზიციაა", - განაცხადა მოისწრაფიშვილმა.