(რეზონანსი) ბათუმის სანაპიროზე მკვდარი დელფინი იპოვეს. რა გახდა დელფინის სიკვდილის მიზეზი, ჯერჯერობით უცნობია.

გახრწნილი ძუძუმწოვარი ზღვამ სასტუმრო "შერატონის" მიმდებარე სანაპიროზე გამორიყა.

ასოციაცია "ფლორა და ფაუნას" გამგეობის თავმჯდომარის არჩილ გუჩმანიძეს განმარტებით, მიმდინარე სეზონზე, ეს უკვე 61-ე შემთხვევაა. სპეციალისტის განმარტებით, მკვდარი დელფინების გამორიყვების 90%-ზე მეტი ტოქსიკო-პათოლოგიურ ფაქტორს უკავშირდება. არჩილ გუჩმანიძე ყოველწლიურად მსგავსი ფაქტების საგანგაშოდ მზარდ სტატისტიკასა და კვლევის ჩატარების აუცილებლობაზე საუბრობს.