(რეზონანსი) ქუთაისის საკრებულოს თავმჯდომარის, ნიკოლოზ ლატარიას თქმით, მისთვის გაუგებარია, რატომ შეცვალა ნანა კოსტავამ გადაწყვეტილება საკრებულოს დატოვებასთან დაკავშირებით.
ნიკოლოზ ლატარიას თქმით, კოსტავას ამ გადაწყვეტილების გამო, შესაძლოა ფრაქცია „კონსერვატორები-ქართული ოცნება" მან დატოვოს.
„მე ქალბატონ ნანასთან საუბარი აღარ მქონია, არ ვიცი რატომ შეიცვალა პოზიცია. მე მასთან ფრაქციაში ყოფნას აღარ ვაპირებ. ან ის დატოვებს ფრაქციას, ან მე" , - განაცხადა ნიკოლოზ ლატარიამ.
ქუთაისის საკრებულოს წევრს, ნანა კოსტავას ასევე ემიჯნება მმართველი პარტია.
ქუთაისის საკრებულოს წევრმა ნანა კოსტავამ დღეს განაცხადა, რომ მანდატის დატოვებას აღარ აპირებს.