(რეზონანსი) „თბილისი პრაიდის" ორგანიზატორებმა შინაგან საქმეთა სამინისტროს წარმომადგენლებთან შეხვედრა გამართეს. შეხვედრაზე, „თბილისი პრაიდის" ფარგლებში ჩასატარებელი ღონისძიებების გეგმა წარმოადგინეს. ინფორმაციას უწყების პრესსამსახური ავრცელებს.

„სამინისტროს წარმომადგენლებმა ,,თბილისი პრაიდის" ორგანიზატორებს განუმარტეს, რომ მათ მიერ დაგეგმილ ადგილებზე და ფორმატით ღონისძიებების ჩატარება, პროცესში ჩართული პირების უსაფრთხოებასთან დაკავშირებული რისკების გათვალისწინებით, შეუძლებელია.

„თბილისი პრაიდის" ჯგუფს შეეთავაზა გამოხატვის სხვა შესაძლებლობები და შეკრების ისეთი ალტერნატივები, რომელიც უფრო უსაფრთხო იქნება მონაწილე პირებისთვის", - ნათქვამია სამინისტროს განცხადებაში