(რეზონანსი) გუშინ ავტოსაგზაო შემთხვევა მოხდა ოზურგეთი-ქობულეთის დამაკავშირებელი გზის ჭანიეთის მონაკვეთზე.

"გურიის მოამბის" ინფორმაციით, ჭანიეთში გარდაცვლილი ხანდაზმული ქალბატონის პანაშვიდიდან ქუბულეთისკენ მიმავალ "ტოიოტას" მარკის მსუბუქ ავტომობილს სამგზავრო მიკროავტობუსი შეეჯახა.

დარტყმის შედეგად, მსუბუქი ავტომანქანა საპირისპიროდ მოძრავ მეორე მიკროავტობუსს შეასკდა.

"ტოიოტაში" მყოფი ორი ახალგაზრდა მსუბუქად დაშავდა. თავზე დაზიანება აქვს მიღებული მიკროავტობუსის მძღოლს.