(რეზონანსი) უნგრეთის დედაქალაქში მდინარე დუნაიზე ტურისტული კატერი, რომლის ბორტზეც 33 ადამიანი იმყოფებოდა, ამოყირავდა და ჩაიძირა. ბოლო მონაცემებით 7 ადამიანი დაიღუპა, 19 ადამიანი კი დაკარგულად ითვლება. გავრცელებული ცნობით, კატერი „Hableany“ მეორე ხომალდს დაეჯახა, კატერის ბორტზე სამხრეთ კორეელი ტურისტები იმყოფებოდნენ. სამხრეთ კორეის საგარეო საქმეთა სამინისტრომ დაადასტურა, რომ 19-ვე დაკარგული ამ ქვეყნის მოქალაქეა. სამხრეთ კორეის საგარეო უწყება უნგრეთში ექსპერტების დელეგაციას აგზავნის. დაღუპულთა ახლობლებს ფსიქოლოგიურ დახმარებას გაუწევენ.