საინტერესო შემთხვევა მოხდა რუსთავში, სადაც შეყვარებულმა პატრულს შუაღამეზე ტორტი აჩუქა. 29 მაისს, დაახლოებით 00:02 საათზე, მეგობრობის გამზირზე მოძრავმა “ტოიოტას” მარკის ავტომობილის მძღოლმა საპატრულო პოლიციის ეკიპაჟს გაჩერება სთხოვა.

მას შემდეგ, რაც ავტომობილები გაჩერდნენ, “ტოიოტას” მარკის ავტომანქანიდან ტორტით ხელში 2 გოგონა გადმოვიდა. ერთ-ერთმა გოგონამ პატრულის თანამშრომელს ტორტზე სანთლების ჩაქრობა სთხოვა და დაბადების დღე მიულოცა.

მოგვიანებით გაირკვა, რომ პატრულ-ინსპექტორს მოულოდნელი სიურპრიზი შეყვარებულმა მოუწყო.

"ინფო რუსთავის" ცნობით, რამდენიმე წამიანი შეხვედრა მალევე დასრულდა და პატრულის თანამშრომელმა განაგრძო სამსახურეობრივი მოვალეობის შესრულება.