ნაილი კირკიტაძე სოციალურ ქსელში წერს, რომ ნეაპოლის აეროპორტში ქართველი კაცი ღამეებს ათენებს და იტალიაში მცხოვრებ ქართველებს  სთხოვს, რომ დაეხმარონ:

"ბევრი ვიფიქრე, დამეწერა თუ არა, მაგრამ გაჩუმებაც აღარ შემეძლო. ოთხი დღე და ღამეა ნეაპოლის აეროპორტში აღამებს და ათენებს ქართველი უწესიერესი კაცი უსახსროდ, უპატრონოდ, უსურსათოდ. ნუ გამომკითხავთ დეტალებს – როგორ? რანაირად? ალბათ ისედაც მიხვდებით, ისევ და ისევ ქართველისგან რომაა გადაგდებული.

მოგმართავთ ნეაპოლის ქართველებს, იქნებ რამენაირად გავამხნევოთ, დავეხმაროთ. ქართველებს არა მარტო ღალატი, გვერდში დგომაც შეგვიძლია. ქართველისგან განწირული ისევ ქართველებმა ვიხსნათ".