ადიგენის მუნიციპალიტეტის სოფელ ბოლაჯურთან ავტოსაგზაო შემთხვევა მოხდა. დაშავებულია ორი ახალგაზრდა მამაკაცი. როგორც "პირველ არხს" თვითმხილველებმა განუცხადეს, სწრაფად მოძრავი ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავიდა და ამოტრიალდა.

შემთხვევის შედეგად დაშავებულები სასწრაფო დახმარების ბრიგადამ ახალციხის რეფერალურ ჰოსპიტალში გადაიყვანა.

ექიმის განმარტებით, ახალგაზრდების მდგომარეობა სტაბილურია, შესაბამისი გამოკვლევები ჩაუტარდათ და მათ სიცოცხლეს საფრთხე არ ემუქრება.