(რეზონანსი) სენაკში, რუსთაველის ქუჩაზე მდებარე სასულიერო სკოლის გვერდით მდებარე დევნილთა დასახლების ღელეში, ქვეწარმავლები მომრავლდნენ.

მოსახლეობა აცხადებს, რომ გველები ღელეში ერთი კვირის წინ გამოჩნდნენ და ამის შესახებ ინფორმაცია მათ მერიას მიაწოდეს.

სენაკის მერიაში აცხადებენ, რომ სიტუაცია საგანგაშო არ არის. პრესსამსახურში ამბობენ, რომ ადგილზე შესაბამისი სამსახურის წარმომადგენლები დღესვე მივლენ და ყველა საჭირო პროცედურას განახორციელებენ.