ქვეყანა სავალუტო კრიზისშია. მიუხედავად მთავრობის წევრთა დაპირებისა, რომ ვითარება დასტაბილურდებოდა, ლარი უკანმოუხედავად უფასურდება. მოსახლეობაში უკვე პანიკა იწყება. "ბლუმბერგის" სავაჭრო პლატფორმაზე 11:30 საათზე ერთი დოლარის ღირებულება 2,80-ს გადასცდა. გაცილებით მძიმე მდგომარეობაა გარე სავალუტო ჯიხურებსა და კომერციულ ბანკებში, სადაც 1 დოლარი უკვე 2.82-2,83 ლარი ღირს. ჯერჯერობით რაიმე სახის კომენტარი ხელისუფლების წარმომადგენელთა მხრიდან არ გაკეთებულა. უახლოეს პერიოდში მოსალოდნელია ფასების მკვეთრი ზრდა და ინფლაცია.