ესპანეთში, 5 წლის ქართველი ბავშვი ზღვაში ბანაობისას დაიხრჩო. როგორც „პრაიმტაიმს“ საგარეო უწყებაში განუცხადეს, საელჩო ოჯახთან მუდმივ კომუნიკაციაშია.

„ბარსელონაში საქართველოს საკონსულომ იცის ამ ფაქტის შესახებ და ოჯახთან მუდმივ კომუნიკაციაშია”,- აცხადებენ უწყებაში.

ესპანური მედიის ცნობით, სანაპიროზე  ქარი და ტალღები იყო. მოულოდნელად ტალღებმა ბავშვები წყლის სიღრმეში შეიყვანა. ბავშვების მამამ წყლიდან ორი მცირეწლოვანის გამოყვანა მოახერხა, ხოლო მესამე  დინებამ გაიტაცა. ბავშვი მაშველებმა ნაპირიდან 200 მეტრის მოშორებით იპოვნეს, მაგრამ გადარჩენა ვერ მოხერხდა.