(რეზონანსი) ვინ მოკლა სარალიძე! დაუსჯელობა კლავს! - ამ სახელწოდებით სააპელაციო სასამართლოსთან აქცია მიმდინარეობს. აქციაზე იმყოფება მოკლული არასრულწლოვანის მამა, ზაზა სარალიძეც.

არასამთავრობო ორგანიზაციები საქმეზე სამართლიანი გადაწყვეტილების გამოტანას ითხოვენ.

აქცია რამდენიმე არასამთავრობო ორგანიზაციის მიერ არის ორგანიზებული. მათ შორის არიან: „კონსტიტუციის 42 -ე მუხლი"," ახალგაზრდა იურისტები", „საერთაშორისო გამჭვირვალობა-საქართველო", „ადამიანის უფლებათა ცენტრი".

დღეს სააპელაციო სასამართლოში ხორავას ქუჩის მკვლელობის საქმეზე სასამართლო პროცესი 17:00 საათზე გაიმართება. არ არის გამორიცხული, რომ დღესვე განაჩენიც გამოცხადდეს. დღევანდელი აქციაც გამაფრთხილებელი ხასიათისაა.