(რეზონანსი) ეკა ბესელიამ ახალი პოლიტიკური პარტია შექმნა, რომლის სახელწოდებაა „სამართლიანობისთვის". ამის შესახებ ეკა ბესელიამ სპეციალურ პრესკონფერენციაზე განაცხადა.

როგორც მან აღნიშნა, სამართლიანობა იყო 2012 წელს მთავარი გამაერთიანებელი იდეა, რომელიც დღესაც ბოლომდეა მისაყვანი.

„ქვეყანაში არსებული დღევანდელი ვითარების გამო, რომლის მსგავსი ჩვენს ქვეყანას არაერთხელ გაუვლია და რომლის დადებითად დაძლევის და გადაწყვეტის არერთგზის ისტორიული გამოცდილებაც არსებობს, ჩვენ მივიღეთ გადაწყვეტილება, შევქმნათ ახალი პოლიტიკური ძალა სამართლიანობისთვის," - განაცხადა ეკა ბესელიამ.

როგორც ცნობილია, პარტიის ყრილობა ივნისის თვეში გაიმართება.